Federata ia sheh hairin KOK-ut

16:56 | 3 Gusht 2017
Arbresh.info

Solidariteti Olimpik i Komitetit Olimpik Ndërkombëtar ka aprovuar projektin e Komitetit Olimpik të Kosovës për grantin ekipor (Team Support Grant) të ciklit olimpik 2017-2020.

Projekti është aprovuar për shumën 60 mijë dollarë, të cilat parashihen t’i ndahen njërës nga federatat ekipore në Kosovë.

Bordi Ekzekutiv i KOK-ut ka vendosur që këtë grant t’ia ndajë Federatës së Hendbollit të Kosovës për Përfaqësuesen seniore të femrave, të cilat shkruan historinë, duke zënë vendin e parë në grupin parakualifikues për EURO 2018.

Ato mposhtën Izraelin dhe Gjeorgjinë, në ndeshjet e luajtura në Prishtinë. Kujtojmë që vitin e kaluar, këtë grant e kishte fituar Federata e Basketbollit e Kosovës në vlerë 25 mijë dollarë, vetëm për vitin 2016.

Shpërndaje në rrjete sociale

Lajmet më të lexuara

Të ngjashme

Foto lajm